Hugasan dangan ibabad nin 1 oras an pulotan saka patition. Igilid muna.
Idangdang an lahing nin batag tanganing maglumoy. Igilid muna.
Asinan an gutâ nin niog tanganing magnamit nin diit. Haloon nin marhay.
Ilaag an lahing nin batag sa sadit mangkô nganì madalî an pagsoksók kan tinimplang pulotan. Laagan nin 1 tasa kan binabad na pulotan. Dagdagan ini nin 1 1/2 tasa kan gutâ nin niog. Bugkosan o puyoson an dahon. Igilid muna.
Maglaag nin lahing nin batag bilang hapin sa irarom kan lutoan saka laagan nin tubig sagkod na masanop an mga nakapatos na pulotan o binùtong.
Pakalagà-kagaan sa laog nin 1 o 1 1/2 oras sagkod na mangagin magiyaw-giyaw na an gutâ, tanda na lutò na an mga binùtong.